مكسور… سطْر النَّمل
خَيِّي عصام… من القَلَم سرْقَه
فلَّيت… حافي مْشِيت عَ غْيابَك
ولَ وَين؟!… ما باب السّما ورْقَه
شالا هَوَا أزْرَق من كْتابَك
ويا رَيت فِيِّي غافِل تيابَك
البَيضا… وتحْتا تساعني المَرْقَه
تا صِير “سطْر النَّمل”… عَ تْرابَك.
كلمة الصديق الشاعر قزحيا ساسين في حفل تكريم الراحلين عصام العبدالله و خليل شحرور…
ل عصام العبدالله
تسلاّ…الغفا بيساع
غافي…ب فيّ المحبرَه
بْوَعّيك؟..ما بْوعّيك؟…
يمكن ب حلمك لابسه الكلمه مرا
وزهقان يمكن…والغفا مسلّيك
….
غافي … وعا بالي شق شي درفه
ب صدرك…وفوت… من الزّعل نقّيك
وَسَلَّم عا الله … و عاتبو نتفه
هوّه و عم يمرق عا مهلو فيك
وفي فجر برّا ناطر ….و مطْفي
و في ديك صار من العتم شقْفه
و في ضِحكْتك… رح افتحا و خلِّيك
قاعد فيا … وأُقطف منا قطفه
تا إطلع وضوّي الفجر للديك