خيّال…
… وبالبال
تْفَرْكَشْ جَبَل تَعْبان
بِ عُمْرْ اْنْطَفا
وَقَّعْ جْنَيْنِة صافْيِة
مِتْلْ الوفا.
متل شي نيزك برق.
خَيَّال؛
خيّال مَرّْ وقال
ملعون شغل البال…
… وهالعُمُر رَحْ فَلّْتو!
غَرَّب حَمام القلب
بَعْزَقْ غِلّْتو.
هالعمر رح فلتو…
تا شوف، مِنْ بَعْدي،
لَمِينْ بَدُّو الصُبُحْ يِهْدِي طَلّْتُو؟
ما عاد يْقْدرْ يْقطْفو
وْيرِشّ
وِينْ ما مَرَقْ.
فجأة اجتلق
إنو عَ بَالو يْنامْ
وإنّو خَلَصْ… دق الجرس
ما في حدا بْيْنْلام… في حبلة مَرَسْ
بِتْلِفّْ عَ كْتافْ الوقت
وْبْتْجيب دَوْرَكْ عَ السَكْت؛
مِتْل القَلَقْ